一顆粉紅少女心勁IGable的素食料理

2023-03-17

撰文、攝影：Linda Yau

灣仔的香港藝術中心，絕對是本地藝術家及設計師的搖籃，孕育着本地的藝術創作。但對素食的喵來說，位於中心6樓的人氣素食餐廳JAJA就有莫大的吸引，JAJA在西班牙文中解作「哈哈」，甫入大門，已見人人皆愛的大型熊啤啤來迎接。整間餐廳全是花、粉紅色、啤啤熊佈置成的打卡位，加上無敵維港海景，讓人一瞬間少女心爆發，散播出快樂的氣氛。

是夜與好友同行，慶祝喵終於脫離職場的苦海，正式踏入Slash的行業，是一個新開始呢。

坐着長期難book的玫瑰花枱，放上食物，就是最美的拍攝背景。總括而言，整間餐廳，任何一個角落都好 IGable，一場嚟到，當然喪打卡，影多幾張靚靚相。

餐廳除左環境靚外，為了配合餐廳的主題，連食物的擺盆都是為了打卡而設，上菜速度係奇快，又或者其實係我地影相影得耐，不知不覺間美食已經送到，先送上小食及飲品。

焦糖奶昔 Caramel Milkshake
透心涼的Milk Shake係JAJA的招牌，有分普通同打卡專用的奶昔，不過好友叫錯咗杯普通焦糖奶昔。焦糖就比較甜，但勝在奶味香濃，夠哂滑同綿密，最貼心係可以少冰，畢竟女仔身體都不能夠飲太寒涼的飲品。

活火山 The Energiser
好友就點了一杯會噴煙的Mocktail，佢話味道比較清新，我當然唔放過影相時刻。

【最IGable的美食】
脆綠薯球 Mean Green Croquettes
炸薯球內是綠色的青豆蓉及薯蓉而成，外皮香脆內裡軟綿，配上乳酪般的紅菜頭腰果醬，味道亦顯得十分清新，紅紅綠綠的顏色份外醒神。

煙燻粟米條 Smoky Corn Ribs
燒粟米是JAJA的招牌菜式之一，基乎每枱必點，亦是素食版的Grill Ribs，煙燻過的香甜粟米配上特製的純素燒烤醬，顯得特別惹味，連粟米芯也令人LAM LAM 脷，愈食愈過癮。

提生糙米壽司拼盤 Living Maki Platter
很多朋友都大讚JAJA的提生糙米壽司拼盤，除左賣相夠殺食外，一碟三味，有脆辣菠蘿蜜卷、照燒茄子卷、金針菇黑松露脆卷，啱哂乜都想試嘅朋友。其中照燒茄子卷最令我感到驚喜，照燒茄子的味道及質感勁似鰻魚，加上外層是烤香的芝麻，內裏是軟綿的牛油果及脆脆，多種味道及口感，令人大為滿足，只怪今次點了6件，實在不太夠喉。