teamlab登陸香港 6大沉浸式藝術打卡專區

文：Linda Yau
圖：Linda Yau、雨文、YYL

超人氣teamLab巡迴展終於嚟到香港，今次展覽以「teamLab共創！未來園」為主題，透過探索創意與實踐「共同創造」概念，為生活產生無限想像可能。teamLab選址在九龍灣Megabox，佔地逾萬尺，一共展出6個受世界各地歡迎的展品。參加者亦會化身成為藝術裝置的一部分與展品互動，以沉浸式體驗藝術科技帶來的互動夢幻的藝術世界！絕對啱哂鍾意打卡嘅朋友。

6 大藝術互動體驗空間

「塗鴉自然 ── 鼓動的山脈與山谷，紅色名錄」
首先登場嘅係一個立體地形的山脈與山谷，以本地多個瀕危動植物為主題，包括蠑螈、蛇、蜥蜴、青蛙等等，參加嘅朋友亦可以自行在畫紙上創作不同生物，透過Scanner所畫的生物便會即時走到山谷內，生物會經歷弱肉強食的階段，構成一個自然生態環境，當人踐踏生物及花卉，也會隨之消亡，整個作品帶有強烈的生態教育意識。

「滑梯水果園」
接著就係一條滑梯，啱哂鍾意玩嘅大小朋友，當滑下來既時候，滑梯上的水果就會飛來飛去，當水果爆開嘅時候，就會形成燦爛的煙花，建議大家搵朋友係滑梯下拍攝，就會影出很豐富及充滿動感的視覺效果

「天才跳房子」
第三個藝術裝置就要考大家平衡及彈跳力，在投射的「水面」上有著特定的符號，參加者需要連續跳到同樣形狀的符號上，就會產生魚兒，蝴蝶和小鳥。

「彩繪城鎮」
無論識唔識繪畫都好，「彩繪城鎮」都會讓人喚回童年畫畫的樂趣。同第一個生物展覽一樣，參加者只要在畫紙上畫建築、汽車、UFO和宇宙飛船等等，然後所畫的圖案便會立體地投射出現，共同創建一個城鎮，間唔中亦會有怪獸走出來大肆破壞，大家所畫的消防車和起重機就會即時保護城鎮，令人重拾童真。

「小人所居住的桌子」
呢個裝置有三張小人居住的圓型桌子，小人兒會在桌子裡邊跑來跑去，只要將手或其他東西放在桌子上，小矮人就會注跳到上面，整體十分療癒。

「光球管弦樂團」
每個teamLab的展覽幾乎都會展出「光球管弦樂團」，出場率極高，展區內有多個大型彩色燈膠球，當球體滾動或身體觸碰時，它的顏色和聲音都會產生變化，發光的球體就能演奏一場管弦樂表演，最啱打卡。

《富衛保險 10 周年呈獻「teamLab 共創！未來園」》
展期：2023年7月9日至2024年1月14日
地點：香港九龍灣宏照道 38 號企業廣場5期 MegaBox 13樓

（原文刊載於︰https://kitlindacat.com/2023/06/29/hongkong-exhibition-teamlab/）