藉流動酒店穿越萊茵河峽谷抵達世界遺產小鎮

在岸邊停泊了兩艘河船,其中一艘便是我們乘坐Riviera Travel 嘅MS GEOFFREY CHAUCER
Advertisement

不同郵輪我都坐過好多次啦,今次以River Cruises的方法暢遊萊茵河,蜿蜒穿梭於萊茵河畔風景如畫的城鎮與城市之間,秋天的黃葉景色唔止係視覺享受,亦帶比人感受到秋天嘅寧靜同美好。

今次乘坐嘅河船MS GEOFFREY CHAUCER,約140米長,約3層樓高,總載客量為166乘客

我覺得乘坐河船嘅德國之旅,就好似參加咗旅行團用七日時間沿着德國Cologne開始南下,每天去唔同的地方遊覽,從令人愉悅嘅Boopard,穿過令人印象深刻的萊茵河峽谷,到德國的葡萄酒之都Mainz,再到精緻的Heidelberg 和中世紀嘅Strasbourg。

剛好是滿月時份,在房間的法式露台向外望,岸上這個醉人景色,確實難以用筆墨形容

乘坐河船好處在於唔需要乘坐旅遊巴士舟車勞頓,每天要轉換酒店嘅煩擾;河船就好像一間流動酒店,有可能在你嘅睡夢中仍然繼續航行,早上醒來吃過早餐便已到達下一個旅遊城市,一切都嚟得咁悠閒舒服。

船上每晚都有一款「地道特式菜」嘅主菜可供選擇,當晚係牛仔肝,我都係第一次食,口感像軟腍嘅肉類,但係羶味都幾重
晚餐後船上有傳統德國音樂表演

今次旅程喺德國科隆 Cologne 上船,嚟到Cologne好多人第一時間諗起古龍水4711,就連火車總站都有個大大嘅燈牌。但其實喺科隆佢唔係第一個做古龍水嘅,全球第一個做古龍水嘅品牌係Farina1709,佢比較清香及帶有citrus 味道,我覺得佢比4711味道更好聞,但價錢亦比4711貴好多。下次嚟科隆可以上網預約參觀佢哋嘅博物館及了解有關品牌的歷史。

嚟到Cologne好多人第一時間諗起古龍水4711 ,就連火車總站都有個大大嘅燈牌
全球第一個做古龍水嘅品牌係Farina1709,佢比較清香及帶有citrus 味道
嚟科隆前可以上網預約參觀佢哋嘅博物館及了解有關品牌的歷史

這次旅程其中一個最期待嘅地方係Boppard,這個被聯合國教科文組織列為世界遺產,被譽為「萊茵河明珠」嘅小鎮,毫無疑問係萊茵河最具吸引力嘅小鎮之一,地理位置優越,座落在河流最令人印象深刻、被稱為「Bopparder Hamm」嘅最蜿蜒河灣。

欣賞令人印象深刻、被稱為「Bopparder Hamm」嘅最蜿蜒河灣

而欣賞這個大拐彎處的半圓形全景,最佳方法係乘坐長達近一公里嘅纜車上山,在20分鐘的車程中,穿越葡萄園和森林,欣賞令人屏息嘅萊茵河景觀,抵達山頂時沿着徒步小徑到達觀景點,欣賞令人印象深刻嘅萊茵河大河套,及俯瞰整個Boppard市嘅美麗風景。

欣賞「Bopparder Hamm」最佳方法係乘坐長達近一公里嘅纜車上山
乘坐吊椅登山約需20分鐘,吊椅上沒有安全帶,都有啲驚驚
落山時在吊椅上可以悠閑地俯瞰整個Boppard市嘅美麗風景
抵達山頂時沿着徒步小徑前往觀景點

 

Advertisement