宮城瀛食在家嘆

Advertisement

香港人抗疫兩年，這一波omicron 真係極之疲累，無論確診數字及抗疫措施，真係越嚟越辣，二人限聚加埋下午6點後冇堂食，真係唔洗禁足都冇可能出街食飯，大家唯有在家Nite Nite Cook，幸好現時可以於網店或高質食材店選購優質食材，直接送達家中，免卻出外搶購食材之苦。

在2011年日本經歷311地震之後，首當其衝的宮城縣在各方面都受到了重創，不少產業發展籠罩著陰霾。經過了十年的規劃之後，如今宮城縣逐漸復甦。高級日本優質食品店哈妃的主理人沈小姐( Beth Shum )今年成為首位非日本人獲日本宮城縣政府委任為「宮城縣推廣大使」，特別從宮城縣引入多款優質而獨特的食材，包括仙台牛、生蠔、帶子及時令海產等。

其實如果有上等食材，可以用很簡單的烹調方法，便能安座家中享受一頓豐富晚餐。今次為大家介紹兩個非常簡單的食譜，都係由香港瑞吉酒店中菜廳行政總廚洪志光師傅提供，全部選用日本宮城縣嘅食材。

「日本燒汁煎元貝皇」用咗宮城縣石卷市刺身級嘅冷藏元貝，食用前一晚從冰櫃取出放於雪櫃內自然解凍，烹調前把帶子印乾，然後灑少許乾粉；燒熱油鑊，放入元貝皇煎香表面後轉中小火，因為元貝皇是刺身級別，所以只需煎至四成熟，肉質會特別綿滑鮮甜；食用時蘸上宮城縣的燒汁便能提味。

「炭燒仙台牛」選用咗堪稱「日本和牛冠軍」嘅宮城縣仙台牛牛肩，以芫荽、甘筍粒、洋蔥粒、黑椒粒及醬汁醃一晚入味，食嘅時候可以燒或焗至五成熟，再上麵粉煎到外層焦香後，以斜刀切片便可，食用時蘸上日本胡麻青椒醬味道更佳。

哈妃
網址：www.hafie.hk
門市：長沙灣元州街288號C 舖

Advertisement