澳洲世界遺產保護區 纜車頂賞藍山三姊妹石

澳洲新南威爾士州（New South Wales）精彩景點多不勝數，離開悉尼駕車約兩小時便可到達最著名的風景區藍山（Blue Mountains）。

藍山係世界遺產保護區，有很多野生動物，唔好以為藍山只是一座山谷，佢最特別之處就係共有16個小鎮，全部排列在一條線上，被稱為“linear city”。亦都唔好以為藍山係藍色嘅，其實因為呢度有好多尤加利樹，樹葉表面嘅油一經蒸發，遠看就係一片霧藍色，所以天氣愈熱，陽光愈猛烈，睇起嚟就會愈藍啦！

藍山山脈公園有成2,000平方公里，山區周圍有很多怪石，中心係個河谷，高聳的砂岩山脊覆蓋着原始叢林，步行道環繞青翠山谷和崎嶇懸崖，美景教人為之陶醉。必到景點就一定係前往觀景世界(Scenic World) 乘搭纜車，感受在半空中欣賞藍山宏偉的風景。

1879至1895年間，肯圖巴(Katoomba)是一個礦場，當時嘅軌道列車，是用來運煤和接載採礦工人的，時至今日就演變成為必玩嘅世界上傾斜度最高嘅軌道列車，有52度嘅𨺗斜，讓整個人感覺向下衝，而中間漆黑一片嘅那段，向下衝嘅同時向上望會見到一道罅隙嘅天空。

忘記畏高體驗“Beyond Skyway”

另一個於去年才開始嘅新體驗就係“Beyond Skyway”， 纜車行駛至兩個山峯中央時停下來，做足安全設施後便爬上纜車頂，在無拘無束下飲杯無酒精雞尾酒，欣賞藍山三姊妹石，Katoomba 瀑布！其實我有啲畏高，但受到眼前大自然景色嘅吸引，突然之間彷彿忘記咗自己畏高，呢個體驗真係好正，雖然當日下着雨，但煙霧離漫嘅仙境感覺又是另一番風味！

澳洲新南威爾士州觀光網頁: https://www.visitnsw.com