達人密語

605 慈善演唱會

2021-08-09

605對好多人嚟講只係一組數字，可能代表生日日期，亦可能係一個尋常嘅門牌號碼，不過對於Edmond嚟講，呢組數字代表佢童年成長時期，喺石硤尾大坑西邨嘅門牌，一個溫馨的居所，亦係佢人生旅程嘅開始。

認識Edmond這個「小朋友」已經20年啦，可以話睇住佢成長，佢對聽歌及唱歌的熱誠，就像是身體內的血液，從來沒有停止流動。10年前，佢媽媽因為中風突然離開，對於Edmond這個深愛家庭的一個大男孩，總是感覺是生命中的遺憾。

2020年11月8日係Edmond的40歲生日，亦代表佢嘅人生踏入另一個階段，佢希望在這個特別的日子，能夠為自己及屋企人做一件既有意義亦值得紀念的事情，所以便萌生一個演唱會的構思，一圓自己歌唱上嘅夢想，分享一些自己喜愛的音樂；同時亦希望透過演出，懷緬十年前因中風離開的母親。

這次整個演唱會的場地，樂手，宣傳，以及製作費用將全數由佢自己支付，所有門票收益將不會扣除成本全數捐贈「慧進會」，一個中風及腦部受損病人自助組織，由病友、家人及義工發起成立，以達致守望相助之目的，協助處理因腦部受損而需要的知識、技術；情緒上的宣洩、支持，與及擴濶社交圈子。喺過去一年，這個協助腦神經受損病嘅慈善機構面對相當大嘅財政困難，Edmond希望略盡綿力，給予他們一些支持，而佢自己亦會協助管理籌得既捐款，確保善款可以有效地幫助有需要人士。