1968 Bistro

將軍澳的朋友有口福啦！1968 Bistro本身第一間店舖位於深水埗汝州街，現在開多一間在將軍澳尚德商場，所有的最受歡迎招牌菜式這裡都有齊！簡直是不可以錯過同辜負的美食！

餐廳雖然位於商場裡面，但是為開放式設計，有種戶外餐廳的感覺，打卡都好正呀！同班friend一齊去食，我們點了所有招牌菜式。

香脆的蒜蓉包，配上好新鮮好有海鮮味的海龍王湯，裡面放了大蝦同青口，簡直正！而斧頭扒足足有我的手加上手臂那麼長，五成熟食落剛剛好，又有肉汁又有口感、加上香濃牛肉味，好正！汁燒牛脷好煙韌，口感剛剛好。另外，我最鍾意食就是廚師特別炮製的白酒牛油汁炒蜆，汁香濃美味，配上蒜蓉包更好味。至於「墨西哥牛油果醬薄餅」，自己平時偏愛香脆薄批，這款適合我的口味，加上幾道菜都是肉，搭配素食薄餅可以調和一下味蕾，一口肉、一口脆脆薄餅，美味極致。

其實所有餐都非常街坊價，好實惠，這個價錢食到如此美味高質素的西餐，超值！

新店地址：將軍澳唐明街2號尚德商場1字樓102號舖